Chámome Benxamín Dosil. Son
un funcionario metido a lingüista que publicou, só ou en colaboración, diversos
traballos sobre léxico, terminoloxía, ortografía, redacción e estilo. Neste
espazo tento resumir o que puiden entrecoller da miña experiencia e engado
tamén aspectos novos pouco ou nada tratados que considero de interese.
Escribo
este blog por simple divertimento coa idea de que sirva de axuda ás persoas que
teñan dificultades para escribir textos. Trato de dar uns consellos básicos,
con diferente nivel de exhaustividade segundo os casos, dirixidos a mellorar o estilo de redacción de
quen queira aproveitalos.
Malia
o meu esforzo por achegar contidos, a mellor maneira de enriquecer o blog é
coa túa participación, facendo comentarios ao final de cada entrada ou
enviándome mensaxes a través da conta de correo electrónico benxamindosil@gmail.com. Prometo
contestar con moito gusto.
Estimado Benxamín, o meu exemplar do Dicionario de ortografía da lingua galega está desencadernado de tanto que o usei. Foi unha obra pioneira, moi manexable e moi vixente aínda. Grazas.
ResponderEliminarGraciñas polas túas palabras, que me animan a seguir. Unha aperta.
Eliminar